БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

17 красавіка на ФМК БДЭУ прайшоў моладзевы лагістычны форум «Будучыня лагістыкі-2025».

Моладзевы лагістычны форум - гэта важная падзея, накіраваная на развіццё прафесійных кампетэнцый, прыцягненне ўвагі да актуальных пытанняў лагістыкі і стварэнне новых магчымасцяў для студэнтаў і навучэнцаў каледжаў.

На адкрыцці форуму прарэктар па вучэбнай рабоце Вольга Анатольеўна МАРАЗЕВІЧ выступіла з прывітальным словам, адзначыўшы важнасць удзелу маладых і мэтанакіраваных людзей у такіх мерапрыемствах. Яна падкрэсліла, што такія падзеі даюць магчымасць не толькі праявіць сябе і прадэманстраваць свае навыкі, але і пазнаёміцца з новымі людзьмі, а таксама атрымаць каштоўныя веды ад спецыялістаў. Вольга Анатольеўна выказала шчырую радасць, што ўніверсітэт арганізуе мерапрыемствы, якія садзейнічаюць развіццю і прафесійнаму росту моладзі.

У рамках форуму прайшла VIII міжвузаўская алімпіяда для студэнтаў і магістрантаў "Лагістыка і кіраванне ланцугамі паставак".

У алімпіядзе прынялі ўдзел 10 універсітэтаў нашай краіны, а таксама пастаянны ўдзельнік - каманда Санкт-Пецярбургскага Політэхнічнага ўніверсітэта Пятра Вялікага.

Варта адзначыць, што кейсы, якія студэнты рашаюць на Алімпіядзе, даюць рэальныя лагістычныя кампаніі. Сёлета свае кейсы для Алімпіяды прадаставіла кампанія - "Белкаспіян". Такі фармат дазваляе ўдзельнікам пагрузіцца ў рэальныя бізнес-працэсы і адчуць усю сур'ёзнасць рашэнняў, што прымаюцца імі.

У склад журы Алімпіды ўваходзілі эксперты з ГК "АЛІДЫ", лагістычных кампаній "Траска", "Soft Trans Line" і "Белкаспіян".

З 33 каманд-удзельніц 5 выйшлі ў фінал і ў выніку каманднага прадстаўлення кейса прызавыя месцы размеркаваліся наступным чынам:
1 месца - каманда "DMLogic" УА "БДЭУ";
2 месца – каманда «Лагісты Пятра Вялікага 3.0» Санкт-Пецярбургскага Політэхнічнага ўніверсітэта Пятра Вялікага;
3 месца - каманда "СацыяFOBы" УА "Беларуска-Расійскі універсітэт".
Акрамя гэтага, Моладзевы лагістычны форум уключаў у сябе турнір для навучэнцаў каледжаў «Лагістыка сёння і заўтра».

Турнір праходзіў у 2 этапы: першы этап прадугледжваў завочнае тэсціраванне ўдзельнікаў, на другім этапе каманды, якія выйшлі ў фінал, спаборнічалі ў веданні элементаў і функцыянальных абласцей лагістыкі.

Усяго ў турніры прынялі ўдзел 20 каманд з 12 каледжаў, якія рыхтуюць спецыялістаў па аперацыйнай лагістыцы ў Рэспубліцы Беларусь.

Пераможцамі этапа "Тэставанне" сталі:
– Ільючык Аніта Дзмітрыеўна, УА «Столінскі дзяржаўны аграрна-эканамічны каледж»,
– Масквічова Вікторыя Аляксандраўна і Мамедава Саміра Бахтыяр Кызы, ДУА «Жодзінскі політэхнічны каледж».

У фінале Турніру пераможцамі сталі каманды:
1 месца - каманда "Залаты запас" ДУА "Жодзінскі політэхнічны каледж",
 2 месца - каманда "СГАЭК" УА "Столінскі дзяржаўны аграрна-эканамічны каледж",
3 месца - каманда «Тавараабароцікі» Мінскага каледжа прадпрымальніцтва.

Усе ўдзельнікі каманд былі ўзнагароджаны дыпломамі і памятнымі прызамі ад ТАА "Смартон".

Віншуем пераможцаў і жадаем далейшых поспехаў у прафесійным станаўленні!