БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

2 верасня ў Беларускім дзяржаўным эканамічным універсітэце адбылася VIII справаздачна-выбарная канферэнцыя пярвічнай арганізацыі ГА "БРСМ" з правамі раённага камітэта.

У рамках канферэнцыі былі:
• падведзены вынікі дзейнасці за 2021–2025 гады;
• абмеркаваны перспектывы развіцця на 2026-2030 гады;
• прадстаўлены рэалізаваныя праекты і дасягненні;
• вызначаны задачы на наступны навучальны год і прыярытэтныя напрамкі работы студэнцкага аб'яднання.

З прывітальным словам выступіў прарэктар па ідэалагічнай і выхаваўчай рабоце БДЭУ Сяргей Іванавіч Скрыба, які павіншаваў студэнтаў з пачаткам новага навучальнага года і адзначыў важнасць актыўнага ўдзелу моладзі ў жыцці ўніверсітэта.

У сваю чаргу, першы сакратар Заводскага раённага камітэта ГА "БРСМ" Вікторыя Аляксандраўна Спічакова падзякавала студэнтам за ініцыятыўнасць і ўклад у рэалізацыю раённых, гарадскіх і рэспубліканскіх акцый, падкрэсліўшы, што менавіта моладзь фарміруе будучыню краіны.

У ходзе канферэнцыі было адзначана, што на сённяшні дзень 5577 студэнтаў БДЭУ з'яўляюцца членамі ГА «БРСМ».

Ва ўрачыстай абстаноўцы падзячнымі пісьмамі былі адзначаны прадстаўнікі факультэтаў, якія праявілі ініцыятыву ў развіцці маладзёжнага руху. Асаблівая падзяка аб'яўлена Сяргею Іванавічу Скрыбе за шматгадовую ўсебаковую падтрымку маладзёжных ініцыятыў і значны асабісты ўклад у развіццё Мінскай гарадской арганізацыі ГА "БРСМ".