БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

3 ліпеня ў горадзе Рэчыца прайшла прэзентацыя адукацыйных праграм БДЭУ перад кіраўнікамі і спецыялістамі РУП «Вытворчае аб’яднанне «Беларусьнафта». Мерапрыемства правёў дэкан факультэта «Вышэйшая школа кіравання і бізнесу» Сяргей Юр’евіч Крычэўскі.

Сяргей Юр’евіч расказаў пра паспяховы вопыт БДЭУ ў арганізацыі другой вышэйшай адукацыі, унікальныя магчымасці дыстанцыйнага навучання, самай шырокай лінейцы праграм магістарскай падрыхтоўкі, якія прапануе ўніверсітэт, а таксама пра магчымасці перападрыхтоўкі і павышэння кваліфікацыі кіраўнічых кадраў.

У рамках прэзентацыйнага тура Сяргей Юр’евіч прыняў удзел у якасці запрошанага спікера ў круглым стале «Стан і перспектывы развіцця бізнес-адукацыі ў Рэспубліцы Беларусь», арганізаваным Міжнароднай бізнес-акадэміяй «Беларусьнафта». Акадэмія, заснаваная ў 1996 годзе, з’яўляецца найбуйнейшым у краіне цэнтрам карпаратыўнай адукацыі. Яна праводзіць навучанне па 220 прафесіях рабочых, 205 тэмах навучальных курсаў (семінараў) для кіраўнікоў і спецыялістаў, 17 праграмах павышэння кваліфікацыі кіраўнікоў і спецыялістаў, 95 тэмах карпаратыўнага навучання, 5 напрамках электроннага тэсціравання, 20 тэмах трэнінгаў для аператараў і майстроў АЗС. Акадэмія мае свае прадстаўніцтвы ў Мінску і ва ўсіх абласных цэнтрах Беларусі.

Падчас мерапрыемства былі абмеркаваны магчымасці супрацоўніцтва Акадэміі з БДЭУ як вядучай вышэйшай навучальнай установай краіны эканамічнага профілю.